CYSYLLTIAD GRID BRYN GILWERN

Wrthi’n datblygu rhwydwaith trydan cadarn a chynaliadwy i gefnogi dyfodol ynni adnewyddadwy Cymru

Mae Green GEN Cymru yn cynnig gosod linell uwchben 132kV (132,000 folt) newydd, sydd wedi’u cynnal gan bolion pren, i gysylltu Parciau Ynni Bute Energy ym Mryn Gilwern â rhwydwaith dosbarthu lleol newydd arfaethedig mewn gorsaf newid trydan newydd, i’r gogledd-ddwyrain o Lanfair-ym-Muallt. 

Mae cysylltiad arfaethedig Bryn Gilwern oddeutu 5 cilometr.

Bydd y cysylltiad newydd yn cyfrannu at rwydwaith trydan cryfach, yn lleihau’r pwysau ar y grid lleol presennol, yn cefnogi busnesau ac yn golygu bod modd cyflwyno gwresogi gwyrdd a cherbydau trydan mewn cymunedau gwledig.

Rydyn ni eisiau gwneud yn siŵr bod gan Gymru’r egni sydd ei angen arni mewn byd Sero Net 

Mae potensial di-ben-draw i ynni adnewyddadwy yng Nghymru – yn enwedig o’r gwynt sy’n chwythu ar draws ein bryniau a’n mynyddoedd. Mae angen i ni sicrhau bod yr ynni gwyrdd sy’n cael ei gynhyrchu yn cyrraedd y cartrefi, yr ysbytai, yr ysgolion, y busnesau a’r cymunedau sydd ei angen yng Nghymru gyfan a’r tu hwnt.

Adeiladwyd y seilwaith trydan yng Nghymru flynyddoedd lawer yn ôl, i gludo trydan o hen orsafoedd pŵer tanwydd ffosil yn y gogledd a’r de. Nid oes gan y rhwydwaith presennol yng nghanolbarth Cymru ddigon o gapasiti i gysylltu’r holl ynni adnewyddadwy newydd sydd ei angen arnom ni ar gyfer ein cartrefi a’n busnesau, yn lleol ac yn genedlaethol.